Bərdə rayon Gənclər və İdman idarəsinin təşəbbüsü ilə 15 may Ailə günü ilə əlaqədar Dəyirmi masa keçirmişdir. Qurumun məsul əməkdaşı A.Qasımovun verdiyi məlumata görə tədbirdə 30 yaxın nümayəndə iştirak etmişdir ki, bunların arasında  yerli icra hakimiyyətinin qadın problemləri üzrə referenti, həkim, müəllim, psixoloq, QHT nümayəndələri, yeni ailə qurmuş gənclər və eyni zamanda rayon Qadınlar Şurasının sədri iştirak etmişdir. A.Qasımovun dediyinə görə gənclər tədbirdə aktivlik göstərmiş, yuxarı yaş qrupları ilə aktiv dialoq yaratmışlar. Dəyirmi Masada statistik rəqəmlər iştirakçıların diqqətinə çatdırılmış, rayonda bu sahədə olan problemlər və onların həlli yolları barəsində təkliflər səsləndirilmişdir.