Məhərrəmov Oktay Məhəmməd oğlu

1947-ci il mart ayının 27-də Bərdə rayonunun Əyricə kəndində anadan olmuşdur. 1962-ci ildə Bərdə şəhər 1№-li 8 illik məktəbi bitirib. 1962-ci ildə Bakı şəhər  8№-li  Tibb texnikumuna daxil olmuş, 1967-ci ildə həmin texnikumu bitirərək N.Nərimanov adına Azərbaycan Tibb İnstitutunun müalicə işi-proflaktika şöbəsinə daxil olmuşdur. 1974-cü ildə həkim-cərrah kimi həmin institutu bitirmişdir.

1974-76-cı illərdə təyinatla Zaqatala rayonunda həkim-cərrah işləmişdir.  1976-87-ci illərdə  Bərdə Mərkəzi Rayon Xəstəxanasının (MRX)  cərrahiyə şöbəsində həkim-cərrah işləmişdir.  1987-2002-ci illər ərzində  Bərdə MRX-nın baş həkimi,  2002-2006-cı illərdə yenidən  Bərdə MRX-nın  cərrahiyə şöbəsində həkim-cərrahkimi fəaliyyət göstərmişdir.

2006-cı ilin oktyabr ayından  Bərdə şəhər bələdiyyəsinin sədri vəzifəsində çalışır.

O.Məhərrəmov 1993-cü ildən YAP-ın üzvüdür. 1993-2006-cı illərdə Bərdə MRX-da YAP təşkilatının sədri olmuşdur. Hal-hazırda YAP Bərdə rayon təşkilatının İdarə Heyətinin üzvüdür.

Ailəlidir, üç övladı var.